Имаме многу причини зошто да се храниме правилно и да ја контролираме тежината. Некои можеби се на почетокот на тоа патување, барајќи начини како да ги променат лошите навики со здрави алтернативи, додека можеби други целат да ги стопат тие последните 4-5 килограми за да изгледаат онака како што сакаат. Независно кои се вашите цели, ова се 4 видови на храна кои ќе го забрзаат тој процес. ЈАЈЦА Како тие помагаат: “Докажано е дека јајцата го помагаат процесот на топење на мастите – преку тоа што даваат чувство на ситост и ја намалуваат конзумацијата на додатни непотребни калории подоцна во текот на денот” – вели експертот Brian Zehetner. Според едно извршено истражување, откриено е дека со додавање на 2 јајца со вашиот појадок ќе помогне да се намали апетитот и калорискиот внес во наредните 24 часа. Додатно, протеинот кој може да се најде во јајцата содржи еден од најдобриот избор на аминокиселини кој може да се најде во било која храна, правејќи ги јајцата одлични за качување на мускулна маса.  Мастите кои се наоѓаат во жолчката, ја успоруваат дигестијата и имаат бројни здравствени бенефити. Што да правите: Конзумирајте 2 или повеќе јајца околу 5 дена во неделата како дел од вашиот здрав појадок. Изфрлете ги брзите јаглехидрати како што се крофните, белите пецива и слично од вашиот оброк затоа што создава инсулинска реакција која го стимулира апетитот, една од причината за складирањето на масти. ЦИМЕТ Како тоа помага: Циметот помага при контролирање на телесните масти на тој начин што ја подобрува осетливоста на инсулин и помага да се топат мастите – два ефекта кои ви се потребни кога сакате да намалите телесни масти. Прво, циметот ја подобрува искористеноста на инсулинот која навлегува во мускулните клетки, подобрувајќи го градењето на мускулната маса за оние кои тренираат наместо да се складира како вишок масно ткиво. Второ, истражувањата откриле дека состојката која се наоѓа во циметот (methylhydroxychalcone polymer) го подобрува топењето на мастите со тоа што ја гори глукозата внатре во масните клетки – тоа е исто како да имате оган, внатре во оган. Поради оваа причина, циметот е дел од многу суплементи кои се наменети за топење на масти. Што да правите: Ставете малку цимет во вашиот оброк со овесни снегулки. Ставете во вашиот протеински шејк (најдобро е да го измешате во блендер за добро да се соедини со протеинот), или пак помешајте го со вашето омилено кафе, ќе му даде одлична арома. ОВЕС Како ни помага: Класичниот појадок може да помогне да се намали телесната тежина и мастите со тоа што ни обезбедува споро-разложувачки јагленохидрати со многу фибриди кои ќе помогнат нивото на инсулин да биде стабилно во текот на целиот ден. Истражување спроведено  на Loughborough University во Англија заклучило дека спортистите кои внесувале споро-разложувачки јагленохидрати за појадок и ручек, имале пониско ниво на инсулин за разлика од оние кои јаделе брзо-разложувачки јагленохидрати (работи кои содржат прост шеќер, џусеви и газирани сокови и слично). Што да правите: Подгответе си една чинија овесни снегулки за појадок. За уште подобри ефекти, ставете малку цимет од горе и јадете го со 2 или повеќе јајца и црно кафе – тоа е перфектниот појадок.    ЗЕЛЕН ЧАЈ Како ни помага: Се повеќе и повеќе е прифатен зелениот чај како состојка , дури и подобро од досега изборот кој беше на многумина – црниот чај. Иако двата вида на чај содржат кофеин, кој помага да се забрза метаболизмот, примарната состојка која го забрзува топењето на мастите е catechin epigallocatechin gallate (EGCG). ЕGCG ги инхибира ензимите кои го разложуваат норадреналинот. Исто така, овој неуротрансмитер е клучен за регулирање на метаболизмот. Со инхибирање на разградување на норадреналинот, зелениот чај ефективно го забрзува вашиот метаболизам. “ Двете, и кафеин и EGCG имаат благи ефекти, па затоа комбинација од двете е идеално”- вели Zehetner. Што да правите: Може да пиете зелен чај колку сакате во еден ден, но истражувањата докажале дека подобри ефекти има со суплементските форми на зелен чај – екстрактите. За најдобри резултати, треба да земете по 3 дози на ден по 500 mg.

Мора да се соочиме со вистината - сите имаме послаби мускулни групи кои ни заостануваат и кои сакаме да ги надоградиме. За повеќето натурал бодибилдери, надградувањето на повеќе мускулни групи истовремено е прилично тешко. Како и да е, создавањето на пристап каде што ќе ги приоритизирате една мускулна група одредено време низ 4-6 месечен циклус за зголемување на мускулна маса, може да имате одлични резултати. Како што повеќето експерти велат и препорачуваат да правите подобрувања во сите мускулни групи истовремено, сепак може да ги подобрувате веќе добрите мускулни партии, истовремено да направите значителен напредок на послабите мускулни партии, како што се рацете. Постојат различни начини и методи како да се приоритизира една мускулна група. Во оваа статија ќе опишеме како да ги подобрите рацете кои заостануваат и да ги претворите во една од вашите подобри мускулни групи! 6 правила како да ги трансформирате рацете! Вежбајте ги во посебен ден Не вежбајте бицепс или трицепс со друга голема мускулна група Супер серии, супер серии, супер серии! Висок протеински внес Суплементација Соодветно изолирање на мускулот 1. Вежбајте ги во посебен ден Ако навистина сакате да подобрите одредена мускулна група, тогаш треба да ги вежбате во посебен ден кој ќе биде посветен само на нив, во овој случај раце. Кога ќе го составуте вашиот тренинг план, веднаш после денот кој е само за раце, следниот ден одредете го да ви биде за нозе, за да овозможите потребен одмор за раст и опоравок на приоритизираната мускулна група. 2. Не ги вежбајте со друга голема мускулна група Можеме цел ден да дебатираме како после тренингот грб, бицепсите се добро загреани и затоа е добро да се тренираат веднаш после тренингот за грб, или како бицепсите се "свежи" после тренингот гради, после вежбите за летање...Но вистината е една, за да направите јак тренинг кој ќе биде катализатор за нов мускулен раст, не може да ги вежбате после голема мускулна група рацете (како што се градите или грб), затоа што веќе ќе бидете доволно исцрпени, и нема да можете да вежбате оптимално. Може само да ги загреете рацете , пред да ги вежбате нив и да не трошите енергија за да имате целосен и оптимален тренинг посветен само за раце. 3. Супер серии, супер серии, супер серии! Како што веројатно повеќето од вас знаете,  обичен супер сет значи да се содржи од две различни вежби за исти или различни мускулни групи со мал или воопшто одмор помеѓу вежбите. Супер сериите се користени со години од страна на врвните бодибилдери за да се максимизира крвниот проток во одредена мускулна група, кој пак ќе доведе до анаболички ефект, внесувајќи хранливи материи внатре во мускулните келии. Има два начини како да правите супер серии: Првата верзија - 10 повторувања со вежба за бицепс во супер серија со 10 повторувања со вежба за трицепс - повторете го ова 3 пати, пред да продолжите со следна комбинација на 2 вежби Или Втората верзија -  10 повторувања со вежба за бицепс со 10 повторувања со друга вежба за бицепс - повторете го ова 3 пати пред да продолжите со супер серии со вежби за трицепс. 4. Висок протеински внес Сите сме слушнале за правилото за конзумирање на 1,5 до 2 грама протеин на 1 килограм телесна тежина. Зависно од вашата телесна тежина, интензитетот на тренингот и други фактори, оваа бројка ќе варира. Како и да е, не е невообичаено за бодибилдерите да го зголемат овој внес значително во денот кога ја вежбаат заостанатата мускулна група и следните 2 дена, за да осигураат максималн доток на амино киселини за анаболички резултати (мускулен раст). 5. Суплементација 100% Креатин - Земете ја максималната препорачана доза на деновите кога ги тренирате заостанатите мускулни партии. 100% Whey и Casein протеин - Исто така е препорачана да се зголеми внесот деновите кога се тренираат послабите мускулни партии.           Whey протеин веднаш после тренингот и casein пред спиење за ноќен опоравок и раст. Суплемент кој содржи Nitric Oxide - Овие суплементи, чија основна состојка е аргининот е создаден да го зголеми протокот на крв и резултира со тоа што овозможува повеќе нутритиенти да влезат во мускулните келии за соодветен опоравок. 6. Соодветно изолирање на мускулот  Во овој случај опсегот на движењето е клучен елемент. Една од најчестите грешки при изведување на едно повторување (движење) е нецелосно истегнување и контрахирање на мускулот. На пример, кога се изведува потисок позади глава за трицепс со еднорачен тег, многу често се случува оние што на изведуваат оваа вежба да не ја истегнуваат до доле. Тие или користат преголема тежина или воопшто не знаат дека вежбата е целосно изведена кога се истегнува раката до доле позади глава. Негативниот дел од движењето има голема улога во вежбата и мускулниот раст, затоа не треба да се запоставува. Ако само се фокусирате на позитивниот дел и на котрахирачкиот дел од вежбата, тогаш ќе добиете само пола од прогресот за таа вежба. Затоа изведувајте ги целосно вежбите на секоја вежба.

Shawn Rhoden се здоби со неговата 4-та победа оваа 2012 натпреварувачка сезона, освојувајќи ги врвовите во професионалниот бодибилдинг. Фаворитите на публиката како што се Dennis Wolf, Branch Warren, Dexter Jackson, Toney Freeman и Evan Centopani не беа способни да го запрат нападот на Rhoden. Dennis Wolf, кој се пласираше 6ти на овогодинешната Mr.Olympia, го завзема второто место проследен од Roelly Winklaar. Winklaar се пласираше на 4-тото место пред Dennis Wolf, само пред една недела на Sheru Classic. Robert Piotkrocz не се класифицираше за Mr.Olympia 2012, па одлучи да паузира одреден период за да се натпреварува во Grand Prix. Неговата одлука излезе дека е мудра и се пласираше пред Toney Freeman. На фитнес сцената, Oksana Grishina го превзема првото место од Adela Garcia. Grishina, со нејзините исклучителни и класични движења, често знаеше да биде потценета на фитнес натпреваувањата. Како и да е, патување, настапувањето како гостин позер и натпреварите зачестени го земаа данокот кај Garcia. Одличната Erin Stern уште еднаш доминираше во категоријата Figure, правејќи ја оваа 4-та победа годинава. Kati Alander изгледаше неверојатно на бината, но беше доволно добра само за второ место. Еве ги конечните резултати од 2012 Arnold Classic Europe: IFBB Pro Bodybuilding 1. Shawn Rhoden 2. Dennis Wolf 3. Roelly Winklaar 4. Robert Piotrkowicz 5. Toney Freeman 6. Ronny Rockel IFBB Pro Fitness 1. Oksana Grishina 2. Adela Garcia 3. Diana Monteiro 4. Tanji Johnson 5. Regiane Da Silva 6. Tina Durkin IFBB Pro Figure 1. Erin Stern 2. Kati Alander 3. Ava Cowan 4. Naralia Revajova 5. Candice Keene 6. Larissa Reis

Со векови, природни тревки се користени со цел да се подобри либидито кај мажите. Овие тревки може да го постигнат тој ефект преку неколку начини, како што се директно влијание на тестостеронот и другите нивоа на полови хормони, или преку директно влијание на неуротрансмитерите кои се поврзани со сексуалната возбуда. Хербалните суплементи често се користат како подобрувачи на либидото, постои недостаток на клинички истражувања кои го потврдуваат нивниот ефект. Секогаш консултирајте се со вашиот доктор пред да користите тревки кои го подобруваат либидото.   1. YOHIMBE Билката Yohimbe доаѓа од кората на Африканското дрво. Според Robert Mason, Ph.D на страницата Eternity Medicine's website, докажано е дека yohimbe ги покачува нивоата на noradrenaline за 60%. "Noradrenaline е опишан како секс хормонот во телото и најверојатно  го стимулира центарот за секс во мозокот во хипоталамусот" - oбјаснува Mason. Покрај подобрувањето на либидото, yohimbe помага и при лечење на еректилна дизфункција (импотенција). Yohimbe многу често се сретнува, може да се најде во било која продавница за суплементи или аптека. Консултирајте се со вашиот доктор пред да користите yohimbe. 2. TRIBULUS Тribulus е растение кое се наоѓа во тропските клими. Користен е со илјадници години во двете, и Индијската ајурведа медицина и Кинеската традиционална медицина со цел да се подобри ниското либидо и физичката издржливост. Tribulus ја стимулира хипофизата, која го ослободува лутенизирачкиот хормон, според Herbal Resource website. Овој хормон го зголемува нивото на тестостерон и ја зголемува сексуалната желба. Ayurvedic Cure's website споменува истражување во кое стаорци биле тестирани со трибулус и покажало зголемување на нивната сексуална активност за разлика од другата група на стаорци. Констултирајте се со вашиот доктор дали е во ред за вас да користите tribulus. 3. DAMIANA Damiana или turnera aphrodisiaca e грмушка која се наоѓа во Јужна Америка. Листовите на оваа билка е користена со векови како зголемувач на либидото, од времето на цивилизацијата на Маите. Се зема или во форма на апче или се раствара во топла вода како чај. Damiana е една од малкуте билки кои може да влијае на зголемување на сексуалната желба и кај мажите и кај жените. Едно истражување покажало дека damiana билката има слични ефекти како прогестеронот. Во ова истражување, повеќе од 100 билки биле тестирани за нивната компатибилност да се сврзат со рецепторите на прогестерон со клетките на рак на градите. Damiana била рангирана 6-та по ефективност. 4. HORNY GOAT WEED Horny goat weed, исто така позната како epimedium, е билка која се наоѓа во јужна Кина. Легендата е дека некој кинез кој чувал кози, забележал зголемена сексуална активност кај козите кога го јаделе ова растение. Според Herbal Resources website - " Horny Goat Weed ги подобрува неуротрансмитерите во мозокот за да стимулираат поголема сексуална возбуда". 5. TONGKAT ALI Tongkat Ali е растение кое расте во Индонезија и Малезија. Оваа билка се користи со векови и се верува дека директно влијае на зголемување на тестостерон кај мажите. Herbal resources website вели дека многу често се користи  во Малезија за да се лечи намалена сексуална желба и еректилна дизфункција. 6. PANAX GINSENG Panax Gingeng е посебен вид на женшен, исто така познат како Korean Ginseng. Тоа е извадено од коренот на растението женшен, кое може да се  најде во северната хемисфера во источна азија. Јапонските доктори го препишуваат како лек за да се зголеми либидото и циркулацијата, кое што го подобрува еректилниот капацитет. Универзитетот во Мериленд споменува истражување во кое 46 мажи биле тестирани и бил забележано зголемување на бројот на сперматозоиди, како и мотилитетот. Друго истражување во азија на 60 мажи докажало дека го зголемува либидото и ги намалува проблемите со еректилна дизфункција.

Зашто треба да јадете фреквентно, и зашто прескокнувањето на оброците може да биде лошо и за вашето здравје и да го успори постигнувањето на вашите фитнес цели !!? Сме го слушнале ова многу пати, и сме го прочитале во многу бројни списанија и интернет страни, дека е важно на телото да му ги обезбедиме неопходните нутритиенти со цел да ги извршување секојдневните обврски, да имаме енергија за физичка активност и тренинг. И покрај тоа, има многубројни луѓе кои поради голем број обврски или диетски причини прескокнуваат оброци или воопшто не јадат. Овие навики  имаат несакани ефекти на здравјето и кон процесот на слабеење. ПРЕСКОКНУВАЊЕ НА ОБРОЦИ Кога ќе прескокнете оброк, телото влегува во фаза на изгладнување. За време на оваа фаза, протеините, јагленохидратите и мастите се користат како енергија. Јагленохидратите се број 1 извор на енергија за телото, па потоа протеините и на крај мастите. Како што оваа фаза продолжува да се случува, следните работи се одвиваат во телото: Залихите на гликоген во мускулите и црниот дроб се истрошуваат Како што паѓа нивото на глукоза, телото бара друг извор на енергија. Нервите и мозокот бараат енергија во вид на глукоза, мускулното ткиво (мускулите) се разградуваат во енергија. (тоа не е добро ако вашата цел е да градите мускулна маса) Се намалува нивото на Т3 тироидниот хормон; колку поголем период помеѓу оброци, толку поголемо намалување на Т3 Негативен ефект врз инсулинот кој предизвикува инсулински скок, кој пат доведува со складирање на вишок масти Вложувајќи труд да се заштеди останатиот протеин, телото почнува да метаболизира масти како енергија во форма на кетонски супстанци Процесот на користење на кетонските супстанци како енергија се нарекува кетоза. Овој процес може да ги има следниве негативни ефекти на телото: Гадење Замор Намален крвен притисок Зголемен ризик на заболување на бубрезите Кога телото се менува да ги користи кетонските супстанци, почнува да ја намалува потрошувачката на енергија со цел да ги заштити масното и мускулното ткиво.(Намалувајќи го метаболизмот) Додатно, како што мускулното ткиво почнува да се намалува, тие стануваат послаби и извршуваат помала метаболичка работа, намалувајќи ја потрошувачката на енергија уште повеќе. Хормоните исто така го успоруваат метаболизмот со цел да го заштити мускулното ткиво. Овој процес е познат како одбранбен механизам на телото да се бори против изгладнување. Телото ги користи калориите ефективно со цел да ги заштити складираните масти, на сметка на мускулното ткиво.  Успорен метаболизам  е директен резултат од загуба на мускулно ткиво. ВЛИЈАНИЕ НА ЗДРАВЈЕТО Прескокнувањето на оброци  и рестрикциите на калории ќе предизвикаат голема желба за храна (најчесто слатки, грицки и слично). Кога ќе посегнете по вакви работи со цел да ја задоволите желбата, се појавува високо ниво на шеќер во крвта, и телото произведува високо ниво на триглицериди, кои се конвертираат во телесни масти. Додатно, истрошениот гликоген предизвикува ниски нивоа на енергија затоа што шеќерот во крвта не се дополнува. За жал, телесната тежина која е изгубена е најчесто вода (гликогенот е најголем дел создаден од вода) и мускули. Успорениот метаболизам исто така ќе предизвика поспоро да се вари храната, ако ја внесувате целата храна во еден оброк. Ова најчесто може да се забележи кај оние што прескокнуваат оброци. Тие изгладнуваат, па потоа внесуваат калории колку за еден ден, сето тоа во еден оброк. На веќе успорениот метаболизам  ќе му треба долго време да го свари и дигестира целиот овој голем оброк, повторно резултирајќи со качување на телесна тежина. Ако пробувате да намалите телесна тежина со прескокнување на оброци, нема да успеете. Можеби на почетокот ќе намалите некој килограм, но повторно - најголем дел од тоа ќе биде вода и мускулно ткиво. И во најголем дел од случаевите, таа телесна тежина се враќа, па дури и повеќе од претходно. Ефекти од прескокнување на оброците: Намалена потрошувачка на енергија Успорен метаболизам Качување на телесна тежина Намалување на силата Зголемување на ризикот од повреди Намалување на густина на коските Намалена телесна температура Намалени перформанси Намален отпор кон болести Намалени нивоа на тестостерон Промена на расположение Менструална дизфункција   ЗАШТО ФРЕКВЕНТНИТЕ ОБРОЦИ СЕ ВАЖНИ Истражувањата покажаа дека оние што јадат пофреквентно, 5-6 оброци во денот може поуспешно да намалат телесни масти и тежина за разлика од оние кои јадат по 2-3 оброци во текот на денот. Недостатокот на храна предизвикува стомакот да лачи хормон кој е наречен грелин. Овој хормон е наречен хормон на "глад". Делува на тој начин што го зголемува апетитот. Без константно конзумирање на храна, нивоата на грелин се зголемуваат на одреден временски период, зголемувајќи ја потребата за јадење. Фреквентните оброци ги намалуваат овие негативни ефекти, шеќерот во крвта подобро се регулира и поради тоа што константно има храна во стомакот, ефектите на овој хормон се потиснуваат, правејќи да исчезне гладот. Да се јаде фрекветнтно за многумина најчесто е проблем, затоа е добро да си приготвите неколку оброци однапред, да ги спакувате во пластични кутии , и да ги понесете со вас на патување, на работа или каде и да одите. Со ова ќе стекнете навика да јадете пофреквентно. Друга алтернатива за да конзумирате потребни хранливи материи пофреквентно е преку протеински шејкови кои заменуваат оброци. Тие се нутритивни балансирани, лесно е да се носат и се приготвуваат многу брзо. Долготрајно, овие мали работи ќе ви помогнат да одржувате константа во намалувањето на телесната тежина. Исто така има голем избор на пазарот за протеински барови, кои се лесно достапни и ги има во различни вкусови, и се најчесто многу вкусни. Но, прво проверете го нивниот состав, затоа што голем дел од нив се величени поради фирмата на производство и шарената опаковка, и се полни со шеќер. Барајте ги оние кои имаат висока содржина на протеини, средна и ниска содржина на јагленохидрати и шеќери. Познато е дека практикувањето на било каква активност 1 месец, станува навика, па истото важи и за таквиот начин на исхрана. За некои можеби ќе биде потребно време, за некои помалку, но ако се придржувате до фреквентноста и храната секојдневно, лесно ќе се вгради во вашата потсвест.  Наскоро, тоа ќе ви стане секојдневна навика.

Mr.Olympia 2012 заврши. Ланскиот победник Phil Heath успешно ја одбрани својата титула за прв пат.  Heath водеше битка за титулата со неговиот најголем конкурент на вечерта, Kai Green, но сепак на крај титулата заврши во неговите раце. Двајцата имаа одлична форма и спремност, двајцата имаа многу мусукули на себе, и двајцата имаа некои недостатоци. Phil беше во форма и ги прикажа дефинираните глутеуси кои се очекуваа, но не беше полн и не беше оној Phil Heath што го помниме од лани. Тоа ја остави вратата отворена за Kai Green и двајцата беа споредувани на бината за крај на судењето во петокот и саботата. На крајот, структурата, обликот и балансот на "The Gift" беа доволни за уште еднаш да му донесат победа. За Green, ова беше најдобрата Mr.Olympia до сега. Од позади беше неспоредлив и масивно голем, но на страничните и предните пози неговите огромни мускули беа победени од страна на заоблените и поестетски линии на мускулите на Phil, кои се блиску до перфекција. Во неговиот втор настап на Mr.Olympia, Shawn Rhoden беше најголемото изненадување на натпреварувањето, пласирајќи се на 3-тото место. Rhoden ја прикажа својата најдобра форма до сега, со кое ја надополни неговата одлична симетрија и форма на телото. Тој е една од ѕвездите кои брзо се качуваат кон врвот, и со сигурност ќе биде сериозна закана следните години на таа иста бина. Четвртото место припадна на поранешниот Mr.Olympia од 2008 година, Dexter Jackson. "The Blade" беше во форма во каква што не бил последните неколку години, и им докажа на сите дека е далеку од повлекување од професионалниот натпреварувачки бодибилдинг. Петтото место припадна на Branch Warren, а шестото на Dennis Wolf, иако според голем дел од фановите кои  мислат дека Branch воопшто не припаѓа во топ 6, а Wolf заслужува да го завземе неговото место. Покрај ова главно случување на бината, исто така беше актуелна и Mr.Olympia 212 девизија, но ова натпреварување не беше толку тесно како претходното. Иако се мислеше дека поради неприсуството на 3 пати Mr.Olympia 212, Kevin English вратите ќе бидат отворени за било кој да го завземе тронот, таа идеја исчезна кога се појави Flex Lewis на бината. Тој не се натпреваруваше цела година и очигледно ја искористи многу продуктивно,  и се појави со 93 килограми чист мускул. Во минатите години, тој беше критикуван поради неговиот грб како негова послаба мускулна партија, но во 2012 тој беше густ, широк и полн со детали. Додатно на тоа, тој повторно ги имаше дефинираните глутеуси според кои станат препознатлив, тоа беше доволно Flex да биде непобедлив во секоја поза. Тој беше исто добар како од позади, така и од напред и тоа беше пакет кои не можеше да се победи. Flex Lewis е новиот Mr.Olympia во категоријата до 96 килограми. На второто место, шампионот од 2008 во оваа категорија David Henry се појави за да ја врати својата титула. После поминати години преку океан , служејќи на својата земја како војник, Henry докажа дека е назад во препознатливата форма и дека е тежок да се порази. "The Giant Killer" покажа одлична форма, но вчера тој беше поразен. Flex беше малце поголем, малце потврд и малце подобар. Третото место припадна на ултра дефинираниот Eduardo Correa. Иако можеби беше најдефинираниот бодибилдер, него му недостасуваше структурата на Flex Lewis за да го победи него, и David Henry. Во категоријата Figure Olympia беше победничка старо/новата шампионка од 2010 Olympia, Eric Stern, која повторно ја врати својата круна. Stern I Nicole Wilkins, која е победничка на 2009 и 2011 Figure Olympia, се изедначија по број на титули. Stern изгледаше женствено, добро дефинирано и беше во својата најдобра животна форма. Третото место припадна на Candice, четвртото на Heather Dees, петтото на Mallory Halderman и шестото на Teresa Anthony. Вчерашната Mr.Olympia беше една од најзабавните во последните години за гледање, и беше посетена од голем број на фанови, факт кој е доказ дека бодибилдингот полека но сигурно го зафаќа своето место во меинстримот. Следното интересно натпреварување,  кое е на 6ти октомври ќе се одржи во Delhi, India каде што повторно ќе се сретнат најдобрите од најдобрите.

Ова е едно од најспорните прашања во бодибилдингот ; што е подобро да се користи  - слободни тежини или опремата која ја има во теретаните, т.е машините ?  Факт е дека слободните тежини  и машините имаат различни задачи. Најдоброто мислење според сите - вклучете ги и двете во вашиот тренинг. СЛОБОДНИ ТЕЖИНИ Положбата на телото кога се вежба со слободни тежини не е фиксирано, а тоа овозможува констатна тензија врз мускулите при целото вежбање. Направете некоја серија чучањ со шипка и ќе ја осетите врската помеѓу умот и мускулите. Слободните тежини се исто така ефективни за зголемување на силата. Кога телото не е во фиксирана положба (како кај машините), тоа му овозможува да ги вклучи и секундарните мускули кои се користат да се изведува вежбата, покрај оние примарните кои целиме да ги погодиме со одредена вежба. Слободните тежини бараат стабилност од телото кога се креваат теговите; со други зборови, додека се вежба се користат и мускули-стабилизатори. Тоа значи дека одредени вежби погодуваат и други помали мускулни групи. Ефективноста на слободните тежини е докажана. Нивниот ефект е докажан преку долгогодиншната употреба на многу бодибилдери и атлети од секој спорт, и тие знаат од сопствено искуство колку се ефективни. МАШИНИ Машините можат ефективно да изолираат одредена мускулна група. Некои вежби може да бидат изведени само со помош на машините. Бенчот на пример, нема потреба да се користи машина за него, но како и да е,  вежбите како преса или ножни екстензии (шут) неможе да се изведуваат на друг начин освен со машини. Кога работите со машини во теретана, многу е полесно да го совладате начинот на изведување на вежбата, и поради тоа се намалува ризикот од повреди; но тоа не значи дека не може да се повредите при изведување на вежбите на машините. Најголемиот дел од машините помагаат да се намали непотребниот терет на грбот. Ова може да биде корисно за оние кои имаат проблеми со 'рбетот. Не би можеле да речеме да се користат само слободните тежини, или само машините.   И двете поединечно имаат свои предности. Слободните тежини овозможуваат да се користат мускулите за стабилизирање, и секундарните мускули кои се вклучуваат при одредени вежби. Машините се покорисни за изолирање на одредена мускулна група. Сигурни сме дека перфектен тренинг ќе имате доколку ги вклучите и машините и слободните тежини. Само преку користење на двата начина може да се искористат максималните бенефити на тренингот.

И најдобриот тренинг план и оптимален начин на исхрана се безкорисни ако постојано ги правите овие грешки. Сте збореле со најголемите и најискусните во теретана. Сте поминале многу часови читајќи бодибилдинг списанија и статии на интернет. Сте го креирале тренинг планот кој сигурно ќе ви даде голем напредок, и ќе изгледате онака како што замислувате. Но, пред да почне се ова да го правите, проверете дали ги правите овие 5 грешки кои со сигурност ќе го уништат вашиот труд и напредок. ГРЕШКА БРОЈ 1 - НЕ ПОСВЕТУВАТЕ ДОВОЛНО ВРЕМЕ И ТРУД НА ВАШИТЕ ПОСЛАБИ МУСКУЛНИ ПАРТИИ Има причина зашто во понеделник  вечер (најчестиот ден во неделата за вежбање гради) на бенч клупата се чека ред, а кај кафезот или смит машината за чучањ е празна. Сите сакаат бенч прес. Сите сакаат да прават она што им е полесно. А што околу она што е потребно ? Е тоа, е друга приказна. Но, посветување внимание на вашите послаби мускулни партии е најбрзиот начин да направите прогрес во силата и мускулната маса и да ја подобрите вашата телесна композиција. Сериозно обрнете внимание на кои вежби со што се мачите и зашто. Дали вашето торзо е слабо ? Не ви се стабилни колената ? Иако не е баш најзабавно, обрнување внимание и зајакнување на послабите мускулни партии ќе ви помогне на краткотраен и на долготраен пат. ГРЕШКА БРОЈ 2 - НЕ ОБРНУВАТЕ ДОВОЛНО ВНИМАНИЕ НА ОСНОВНИТЕ ВЕЖБИ/ДВИЖЕЊА (ЧУЧАЊ, БЕНЧ ПРЕС, МРТВО ДИГАЊЕ...) Секако, изолационите вежби како што се бицепс прегиб или ножни екстензии се забавни и даваат многу добра напумпаност на потребните мускулни групи. Но основните вежби како што се мртво дигање, чучањ, бенч прес, вратило треба да се основата на вашите тренинзи и да бидат први пред изолационите вежби. ПРИЧИНА ЗОШТО ТИЕ ДА БИДАТ ОСНОВАТА НА СЕКОЈА ТРЕНИНГ ПРОГРАМА: Едноставно е, тие вклучуваат повеќе мускули кога се изведуваат, кое доведува до зголемување на мускулната маса, го забрзуваат метаболизмот кој е клуч за дефинирање и намалување телесни масти; праќаат сигнал до телото за повеќе да се лачат клучните хормони како што е тестостеронот и хормонот за раст, каде што не е случај кај изолационите вежби. Затоа, наполнете ги шипките со тегови и правете ги основните вежби со големи тежини. ГРЕШКА БРОЈ 3 - НЕ ОБРНУВАТЕ ВРЕМЕ НА ЧАСОВНИКОТ Два од најзанемарените аспекти на тренинг се темпото (или брзината) на кревање и периодот на одмарање помеѓу серии. Кревањето со одредена сила и брзина ви овозможува да ја кренете тежината како што е наменете да се крене ( на пример, олимписките кревања треба да се изведуваат експлозивно ) или да ги држите мускулите под константна тензија за одредено време кое е круцијално за да се достигнат посакуваните ефекти од тренингот. Одморот помеѓу серии треба да биде пратен секој тренинг. Почнете нова серија пред соодветно да се одморите од претходната и ќе изгубите на сила. Ако чекате подолго време од што е потребно за да почнете нова серија може да го намалите или изгубите метаболичкиот ефект. Затоа престанете да зборите со девојката до вас во хеланки и тесна маичка и фокусирајте се на правилно (темпирано) вежбање. ГРЕШКА БРОЈ 4 - НЕ ОБРНУВАТЕ ВНИМАНИЕ НА ОПОРАВОКОТ ПОСЛЕ ТРЕНИНГ Сигурно сте го прочитале ова некаде. Не добивате на мускулна маса кога тренирате, добивате после тренингот со правилна исхрана, одмор и опоравок додека спиете. Пропуштањето на доволно спиење, пропуштањето на оброците и пропуштањето на најважниот оброк (или протеински шејк) после тренинг е најлесниот начин кој ви гарантира дека нема да ги достигнете вашите цели. ГРЕШКА БРОЈ 5 -МНОГУ ЧЕСТО ИЛИ МНОГУ РЕТКО ЈА МЕНУВАТЕ ВАШАТА ТРЕНИНГ ПРОГРАМА Многумина од вежбачите запаѓаат во една од овие две "замки". Или се заљубуваат во една тренинг програма и остануваат долго време со неа или го менуваат начинот на тренирање на секој нареден тренинг без да направат никаков прогрес. Вистината е, тешко е да откриете кога е долго време сте со една тренинг програма и кога е време за промена. Објективно гледајте на вашите тренинг програми. Дали им давате доволно време и шанса да ги научите вежбите и да имате напредок ?  Дали имате застој со тежините последните 3 недели и се надевате за некакво пробивање ?  Ако одговорот е да на едно од овие, тогаш можеби е време за да направите некаков вид на промена.